أعز لصحاب
صدمني واحد من أعز لصحاب
كلمني هو بكلام ثقيل
كلام كلو لومة وعتاب
وما هو قال أو قيل
قال ليا فين العهد يا الكذاب
فين وجهك داك الاصيل
بدلتيني بالفايس والواتساب
وصفحات لكذوب والويل
كنت نحسبك صاحبي من خير لصحاب
ساعة لقيتك. كلك تمثيل
كنتي تصبح على جريدة وتمسي على كتاب
وكان السمر بيننا ممتع وجميل
مسحت الغبرة عليه وجاوبتو بأداب
راك صاحبي وباقي من عز لصحاب
واش نسيتي شحال سهرنا من ليل
وذكرت فقصة الصياد والحمامة وجماعة الذياب
ملي عطاوها العويل وخرجو دوك النياب
فوقت الظلمة فنصاصات الليل
وبعدها ظحك نطق وجاوبتي الكتاب
هاد المرة هو خاطبني بالأداب
إيوا راك باقي عاقل على صفحة الصواب
وقلت لو غير تهنى ماينسيني فيك لافايس
ولا واتساب
عبد اللطيف ميصر 5 7 2023 المغرب
ليست هناك تعليقات:
إرسال تعليق