مالك ياقلبي
مالك يا قلبي هكذا
مهموم هادي مدا
أرصى يا قلبي وهدا
خيالو را قاسي وجارح
خليني يا قلبي هاني
شحال قدي نعاني
تفكرتيه اليوم ثاني
ياك تفكرناه غير البارح
ياقلبي كيندير معاك
ماحيرتي لك ولا لهواك
نساه ياقلبي راه نساك
علاش مازال أنت تسامح
ارسلنا ليه وما جاوبنا
حبي وهواك ماعندو معنى
شوف يا قلبي فين وصلنا
اعلاش مازال تتسنى
صارحتك وعييت نصارح
شحال كويتيني من كية
غير مرة اسمع ليا
فين غادي تايه بيا
وأنا معاك غادي سارح
خليني ياقلبي هاني
شحال معاك نعاني
راه نساك ونساني
ولا تفكر ثاني تسامح
عبد اللطيف ميصر 5 7 2023 المغرب
ليست هناك تعليقات:
إرسال تعليق