الاكاديمية العربية المغربية للشعر والأدب

فى عشق مصر أنا غاوي.. 

                               عنها اكتب حكاوي 

   جمالها بدر البدور..

                            مهما تاخدني غربتي 

   والف العالم وادور  .. 

                       برجع لحضنك.. يا أمي 

   يا شمسي وضلي.. بحبك تملي

                 حنينك يميلي..يدندن يغني

   يقول مواويل  .. 

                    ونيلك جميل.. 

  شريان الحياه.. 

  اسجد واصلي  ..  واقول الله 

            وفى كل إتجاه..... بحبك بلهفة 

  زي عروسة فى زفة..

                            رقة.. وخفة 

  لابسة توبها الذهبى الجميل.. 

                        تفرح.. تضحك.. تميل

   الشعر سايح.. نايح.. 

  يا ام الضفاير دهب.. 

                       تهفهف على الخد الجميل.. 

   نفسي ارد الجميل.. 

            افديكى بروحي .. ويكون قليل

  بحبك يا مصر..

               يا بحر من الحنان..ونهار وليل

    فى حضنك دفى وأمان ..

                           فعنيكى بلقى الدليل.. 

   بحبك يا مصر.. 

    يا ام الحضارة..

                وسابقة بجدارة.. لكل عصر.. 

  جيش عظيم.. وشعب.. 

                             ومهما الريح يهب.. 

  الايد فى الايد.. القلب حديد 

    مكتوب على الجبين... 

                           علامة النصر 

  بحبك يا مصر 

                   بقلم  / يحيى المنياوى