بايا
أنت العالم بعبادك يا سيدي يامولايا
بأجل محتوم رحتي مرتاح يا بايا
مانظرتي بعين وتشوف زمانا المگلب
بنياب ماضية صبح ماتحن وتعذب
وافين هنا "ء" وراحت الغلبان المسكين
وأيام لخير لوفير وناسو بعوين
ووقت الرخا والصاحب للي تصحب
راحت البال كانت هي المكسب
العين باكية يابايا والدمع سجين
ولامن حس بحال الشاقي الحزين
ماعشتي يابايا تشوف حالو التعبان
جراه ماوصلو فين وجهدو نقصان
الغلا عليه صبح مداوم بلانهايا
يجول ويصول مكلم وجمراتو حمايا
الفاتورات وشلا عليه تتراكم جرايا
مضرور وكيف يتكلم وندامتو كفايا
فين هناه وفين سعادة الحنين
ماصاب يعيش حلامو مقاسي معذب
فين راحتو الغايبة من سنين
حتى لين زماننا يتسكد يا بايا
وتصبح عيشة المضرور مدروسة بعنايا
وتزول سحابة الضر ويفرح بالجايا
محمد كمال قطير
ليست هناك تعليقات:
إرسال تعليق