البيكور... بالعامية المغربية.
أفتل أو زيد أفتل
راه ما بقى ما يتعمل
لخفيف زهق ،والعقل تقتل...
وأنت وأنت يامساكين
لا فليسات لا سنين
الفم اتحل،ومن الرجلين راك مكبل.
اهبل وزيد اهبل،
علاش عاد تتعقل؛
العيش اتشق ،والتخت تعزل...
سول وزيد سول ،
واش باقي على من تعول؟
الطالب تزندق ،والخيط تخبل...
اعمل وزيد اعمل ،
اتهلا فيها ،وعليها لا تبخل؛
السم يزرق ،والدخان يكحل.
برول وزيد برول،
اسواا سوا،تكثر أو تقلل،
الصح سل ،وأنت غير تهرتل.
أقبل أوزيد اقبل،
تعيش قن،والسيد يغول؛
والقاضي عل الحق يعدل....
أتفل أوزيد اتفل،
عل الفرحة اللي عمر ما تكمل؛
عل الحاكم اللي فالذنوب يخمل.
خيل أوزيد خيل،
اللي مزيزن راه يطبل؛
واللي يتكلم راه غير يقنبل...
محمد حرموش المغرب الأقصى.
ليست هناك تعليقات:
إرسال تعليق