كفايه إنى حبيتك
"""""""""""""""""""""""
مش عارفه أقولك إيه؟
وإيه بعد حبك إيه؟
عشت معاك ربيع عمرى
وكان الأمر مش أمرى
بكل الحب حبيتك
بنبض القلب ناديتك
وأنا إللى عمرى ما نسيتك
مش عاوزه حاجه م الدنيا
كفايه إنى حبيتك
*****
دخلت الجنة على إيدك
وأنا إللى قلبى بيريدك
بتهجرنى وتنسانى؟!
وتسيبنى ويا أحزانى؟!
وجوه القلب كبرتك
ف ننى العين حطيتك
مش عاوزه حاجه م الدنيا
كفايه إنى حبيتك
*****
جريت جوه شرايينى
وجرييت دموع عينى
قربك حنان، بعدك جنان
ألاقى فين بعدك أمان؟!
أنا بعت الدنيا وشريتك
مش عاوزه حاجه م الدنيا
كفايه إنى حبيتك
*****
شعر /سيد فتح الله
من ديوان / حب من طرف واحد
ليست هناك تعليقات:
إرسال تعليق