كلمات شاعر بنى هاشم
صبرى عبد الواحد الحساني
الى من يخطب على خطبة أخيه
او ينظر ويطمع فى اى شىء فى يد غيرة
الى الممثلين إلى المنافقين اقول
يا خاطب على خطبة اخيك
من الرجاله
حتى شنب ما فيك
والدم ساقع وبارد
وما فيش شىء يرضيك
العين ما يملاها غير التراب
وانت تراب الكون ما يملى عنيك
يا خاين العيش والملح
وما لقيتش حد يربيك
جاحد وغدار وخاين
فرخه وعامل نفسك ديك
بكره هتوقع وما هتلاقى
حد يمسك ايديك
ماسك فى الدنيا بأسنانك
ومن راجعك يعاديك
بكره الزمن هيدور
وحتى اللى ليك يرميك
كلامك عسل وفعلك
فعل الشيطان مخليك
كشفت نفسك بنفسك
وانا كنت شاكك فيك
وانا نظرتى ما تخيب
وحكمى كان صحيح عليك
بكره الايام هتدور
وما تقدرش توقف على رجليك
والحلال والحرام ما ينفعك
والكل يضيع أمام عنيك
يا خاطب على خطبة أخيك
النار بكره هتشويك
كلمات/ شاعر بنى هاشم
صبرى عبد الواحد الحساني
ليست هناك تعليقات:
إرسال تعليق