إنتي هدية
*********
لو ترضى الدنيا عني يا زين
وتعيشي معايا سنين وسنين
كنت اشيلك في نن العين
ونعيش بغرام أسعد حبيبين
لو كنت أقدر امسك إيدك
وأعيش بالروح جوا وريدك
كنا هنعيش العمر يادوب
أحسب أفراحي ف مواعيدك
أنا لما رأيتك قلت ياريت
كنت قابلتك وعرفت البيت
وقعدت قصاد طيفك دايما
واكتب على حبنا ألفين بيت
يا هنايا يا عمري برضاكِ
دنا طير هايم تحت سماكِ
بتمنى بس أشوف صورتك
والروح تتهنى في لقاكِ
ربي يديم لي حبك ليا
وايديك دايما في ايديا
وحلفت بربي أصون حبك
واقول لك إيه وانتي هديه
القلب خلاص حلف إنك ليه
ودخلتي القلب بحب ماليه
ومفيش غيرك ممكن ألاقيه
يحضن قلبي ويعشش فيه
بقلم أحمد سلاطين
ليست هناك تعليقات:
إرسال تعليق