الاكاديمية العربية المغربية للشعر والأدب

غربال...... 

غربل يا زمان.. 

              غربلنا الاندال..

رجعلنا الحب فى كل مكان ..

ناس بتخلص وتوفي.. 

خلينى أقدر افرق.. 

مين صان ومين خان..

غربل وقولى.. ليه ميزانك مال  

انا كنت الولد الجدع 

شايل من الشقى أحمال

ولا كتفى فى يوم اتخلع

ولا قولت مرة آه ..

              ولا عمر الحمل مال 

كان رصيدى فى الحياه 

ضميرى وعافيتى والصحة 

من النجمة كنت أصحى.. 

أحضن شعاع الشمس.. 

          أنسى هموم الأمس 

 تضحكلى.. عنيها 

               بنظرة وهمس

يدندن لساني..

           يغنى.. يقول موال

القلب انشرح.. 

                بالفرح طرح  

حب.. وسلام.. وأمان... 

غربل يا زمان.. 

       وقولى ليه القمر زعلان.. 

كان ونسي وصديق.. 

كنت اشتكيلوا همى.. 

  فى شدة وضيق 

نحكى... نغنى.. 

السما والنجوم..بالفرح معزوم 

وليل غميق.. كحلا.. 

الليل طويل.. والسهرة تحلى 

غربل وقولى .. 

ليه تاه الطريق.. 

               وصبح وحلى

توهنا فى دوامة الحياة.. 

مش عارفين.. مين أحنا 

وفى كل إتجاه.. 

وفى كل ازمة ومحنة 

ندور على طوق النجاة.. 

مالناش غير الله.. 

ويعيش الإنسان..

يوم فرحان..ويوم زعلان  

غربل.. يا زمان............ 

غربال ... 

              بقلم / يحيى المنياوى