بنت الدرب
مالك يا بنت الدرب
مالك يا بنت الحومة
يغفر لي وليك الرب
حشومة عليك حشومة
اليوم جاني العجب
اعلاش رخاصيتي فالسومة
مال الأدب منك اهرب
شوفي كيف اصبحتي اليومة
زينك كان بحال الذهب
والسر كان فنضرة معلومة
ما بقيتي تعرفي حب
ساهرة الليل كيف البومة
والحنان عليك اهرب
ليل ونهار ديما مهمومة
فين الحشمة. ولباس أصيل
كنتي ݣمرا مظوية. الليل
مال حيائك اليوم قليل
أصبحتي لغمة ملغومة
كنتي بنهار قليل نشوفك وبالليل محال محال
اليوم بالسهير ذبالو جفونك مالك تبدل بيك الحال
البارح كان السر لونك اليوم مابقى ليك خيال
نطلب ربي يكون فعونك وأنا مابقى ليا مايتقال
عبد اللطيف ميصر 5 7 2023 المغرب
ليست هناك تعليقات:
إرسال تعليق