بقلمي ابراهيم اللغافي
24-1-2024
مصيبة...مصيبة...
معاك يا هاذ انسيبة
مصيبة او غريبة
أنت إمرة صعيبة
اش بغيتي فيا؟
سايرة تمعني اعليا
مراتي هي بنتك
ما واخدك انتيا
نفيق باصداع او
نعس باصداع
تلفت ليا لوضاع
ونوض نوض عري على ادراع
او لا سير أعطيني التساع
عطى الله اللي يتشرى او يتباع
ولفت اسريط...او اريال ما يشيط
لمرايا او لمشيط
او السكرة مع التعربيط
بنتي خدامة اعليك
ف الخاصة تجبد او تعطيك
تزين ليها كلامك
حتى تاقت فيك
يا هاذ لمرة الله يهديك
غير فهميني نشرح ليك
عشت معاك لمرار
كلامك سم او حار
شعلت فيا النار
باليل او بانهار
حشومة عايب او عار
واهاذا لعجب
الراجل ما يزرع ما يحطب
الحاجتو راه يزرب
او من الصح يهرب
اللي بحالك يدفن راسو
يحفر قبرو ب فاسو
مصيبة...مصيبة...
معاك يا هاذ انسيبة
ليست هناك تعليقات:
إرسال تعليق