السلام عليكم احبتي في الله . حتى لا نسى الزجل . هذه زجلية بلهجة مغربية .
/خزان بلا حراسة/
مللي طاب انعاسي قاديت
افراشي ياسادة
اتعودت من الوسواس ؤ
درت في بالي اشهادة
اتمديت ؤ حطيت راسي
ؤ ساويتو اعل لوسادة
العين غمضات ؤ لخيلات
ابدات كيف العادة
شفت شيء اغريب ؤ قلت
اش هذا
شفت خزان اكبير . في
حراستو غير مشددة
شفت امغارف أعراض
أغلاض ليه ممددة
اتخيلت هذا و ذاك ؤ ذاك
ؤ هذا
هذا خاد ما يكفي ؤ عينو
اعل لقلادة
ؤ هذا انهب و انصب ؤ
باغي ازيادة
ؤ اللي ابعيد . شاد براسو
ؤ اقول الله اتبتنا عل اشهادة
ؤ أنا خدت منهم درس ؤ
حكمة ؤ إفادة
لقيت الدنيا ؤ كل ما فيها
من فتن غا ازيادة
كون هي تسوى كون اقبلها
سيد الخلق الرسول محمد
اللي ابغ الدنيا . ابغيها
بالصالح ؤ حسن اعبادة
أما الأرزاق من الله اتجي
ؤ توكل ؤ إرادة
خيرو اكثير اكثير ؤ اكثير
ما اتقضا
يا الغارف . مغرف وحدة
ؤ ابلا ازيادة
ؤ خلي الباقي . هناك ناس
محتاجة مشردة
عبدالمولى بوحنين
* المغرب *
ليست هناك تعليقات:
إرسال تعليق