كنت فاكر
**********
كنت فاكر لما أكبر
حلاقى كل الدنيا وردى
لما أربى ولما اكبر
حلاقى ضلى والاقى سعدى
كنت مشتاق للربيع
كنت بيه مستنى سعدى
قلت ح ارتاح م الهموم
فجأة كان الهم وعدى
مين حيسأل عن شقايا
مين يقول دا كان بيدى
ولا دى ضريبة الحياة
وكل مشوار راح يعدى
كنت فاكر لما أكبر
حلقى كل الدنيا وردى
قالوا جه سن السعادة
والسعادة حتبقى عندى
ح ازور قرايب اشوف حبايب
وكل شئ حلاقيه فى يدى
والله ولقيت المتاعب
واللى كنت فاكره فضى
خالى بيا وتاه فى دنيا
ولو سأل يفتكره سعدى
الهموم فى حياتنا زادت
واللى أمرى فى أيده ضدى
يرفع الاسعار يوماتى
وكل يوم لطمة لخدى
والمرض ويا المتاعب
فى ازدياد ولا شئ بيدى
وكنت فاكر لما أكبر
حلاقى كل الدنيا وردى
********
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق