فايسبوك والواتساب
دارها فايسبوك
فايسبوك وواتساب
ماتعرف أمك ولابوك
فالدار عايشين اغراب
مشات صلة الرحيم
وطارت بين السحاب
دير جادور ولا جيم
تصبح من عز لصحاب
أوكي رجعات ميساج
ورسالة مابين لحباب
ولعداوة صبحت بلوكاج
مابقيتيس من لصحاب
نسينا المكتبات والجريدة
وما بقينا نقراو شي كتاب
ونسينا الواليد والواليدة
شحال مادقينا عليهم الباب
علاش مرضت ديك الصداقة
علاش ماتت روح العلاقة
والفحش تعرى بحرية وطلاقة
شوف عصر السرعة آش جاب
كلها وشاد تلفون بعاد واخا قراب
والبال أصبح مشطون بوتيب وواتساب
جرح هاد ليام مايبراش
فينما مشيتي بورطابل ولفراش
غير الفايسبوك والواتساب
عبد اللطيف ميصر 5 7 2023 المغرب
ليست هناك تعليقات:
إرسال تعليق