........((( آخر أمنيات العام ))) .........
في آخر لحظه من عام فات
وأول ثانيه من عام آت
أنا آسف علي اللي فات
و أنا أسف علي الذلات
و بسأل ربنا في علاه
نعيش أفضل سنين جايات
ويرخي قوت المسلمين كافه
و يقبل مننا الصلوات
ويشفي كل اخوتنا وأهالينا
و يغفر لجميع من مات
في آخر لحظه من عام فات
و أول ثانيه من عام آت
ب تمني يسود العدل
و يختفي الجهل و الظلمات
وبتمنى تكون أفضل
سنه جايه من اللي فات
عشان الأهل والصحبه
عشان الدنيا و السموات
نحس ببعض في الازمه
و ندعم بعض في الازمات
نخاف علي بعضنا لما
نمر ب ضيقه أو هفوات
نساعد بعض ع العيشه
نساعد بعض ع الخيرات
ونتبرأ من الغش و الرشوه
و نفضح الفساد ب الذات
نحب الخير وأهل الخير
و ندعي لهم في الصلوات
في آخر لحظه من عام فات
و أول ثانيه من عام آت
أنا نفسي أعيش في سلام
بدون الخوف من المعاشات
و م الخوف علي أولادنا
أو الخوف علي الفلذات
بدون تكميم لافواهنا
بدون ما نخاف من الأتوات
علي اللقمه و ع الهدمه
بدون ما نخاف من الهروات
وفرض الطاعه ب القوه
و فرض الطاعه ب الضربات
أن نفسي أشوف بلدي
تعيش أجمل بدون قروضات
ولا سلفه لمين يسوي
من الهلافيت أو البهوات
أنا نفسي تعود بلدي
سلة خبز للدنيا ف النكبات
نصدر منه للعالم
و نتصدق علي الغريمات
أنا نفسي ف حاجات ياما
تعيش الناس بدون صراعات
وتتوحد وتتكلم لغه واحده
بدون لكنه و لا لهجات
ويفهم كل مننا الآخر
بدون واسطه ولا وساطات
و رغم أني بأعيش وأحلم
وعندي كتير حاجات وحاجات
ونفسي اشوف الحلم يتحقق
ولو باقي في عمري ساعات
تدق الفرحه في قلوبنا
و في بلادنا و في القارات
كلمات الاديب الشاعر.د/ السيد علي القن
ليست هناك تعليقات:
إرسال تعليق