علشانك
كتبت سطور للعشق
على طبق من نور
وكشفت المستور
وقولت على اسمك
بالرمز للقمر وبدور
وحلفت ادام كل الناس
بكل مخلوقات الله
أننا عاشق ومحظوظ
وان الملاك النائم فى
قصره العالى المحفوظ
مسيره فى ساعة صفا
أو حتى فى يوم ها يطل
من الشباك ويلاقينى هناك
بنتظر منه ابتسامه رضا
أو نظره بقبول وحنيه
انا المعذور والهايم على وجهى
وبلف على رجلى وبدور
طول اليوم على البيوت
والحارات والعطوف والدور
وبجمع الفل والياسمين
من على شجره وفروعه
ومش هالم المبدور على الارض
ولا الساقط من الفرع له تمن
أو لون وريحته تتبدل بالذل
ولا هاندم فى يوم انى
اعترفت بعشقى للملاك إياه
لانها ببساطه هى اجمل
خلق الله ورقتها بذياده
بسمتها تحييى قلوب
وحروفها جدائل ذهب
ويا خيوط مشبوكه بالفضه
وقلبها رقيق زى العصفور
وفكرها راقى من كل عيوب
انا والعشق والامل اصحاب
واتفقنا سوا على الوفا
الهدف واحد والوصول غايه
والوسيلة الصدق والإحساس
ولا فى غش ولا تدليس
ولا لعب بالحروف وتلافيف
وانا عند كل ولاد البلد معروف
بالطبع والكلام بالوش ومش بالغش
محمد فوزى العليمى
ليست هناك تعليقات:
إرسال تعليق