ماعاد عندي وقت
نضيعو في اللعب
ما عاد عندي وقت
نعاشر و نجرب
أنا خلاص عرفت
ومن الدنيا تعلمت
ومن البشر ما شفت
غير النفاق و الكذب
وصاحبك اليوم
غدوة الصحبة ما تدوم
كل شيء بمعلوم
يبيعو حتى القلب
ولتحسبو صديق
ذخر ليوم الضيق
في وسط الطريق
يخليك و يهرب
وثمة ناس قلال
ما يتشرو بالمال
صناديد رجال
معدنهم ذهب
الناس أشكال والوان
ثمة العاقل مزيان
وثمة الخاثر رهدان
ومع طول الزمان
نشوفو العجب
بقلمي ..زينة الهمامي .. تونس
قصيدة باللهجة العامية التونسية
ليست هناك تعليقات:
إرسال تعليق