افرح ياقلبي
افرح ياقلبي فيما بقى
اعلاش أنت حزين
راه الدنيا عداوة وفرقة
وظربات فالظهر وطعين
شقق على حالك شفقة
خليها تظحك العين
شحال علاو من طبقة
راهم تحت الأرظ مردومين
ليام راها تكوي بحرقة
والدنيا تبكي دموع العين
الدنيا شحال سطات حمقة
راهم غير فالشوارع دايعين
إل تاق فالدنيا ترميه للزنقة
آه آه من الدنيا آه آه ياوين
العداوة صبحات بين الخوت
غير كور كور ورمي الفوت
شحال من سونطر كله لافوت
يا خويا احنا. فين غاديين
الظهر أصبح عامر. طعنات
فكل صباح وعشبة ظربات
والنية الصافية هجرت ومشات
وفين المحبة يا خويا فين
فين هادوك الناس السابقة
كانت سفينتهم بالمحبة غارقة
وأيامهم شمس بالفرحة شارقة
وعلى فراش النية والحب نايمين
عبد اللطيف ميصر 5 7 2023 المغرب
ليست هناك تعليقات:
إرسال تعليق