الگليب
مالك ياهاد لگليب غادي ماشي
مافرقتي بالعقل مابين هدا وداك
وساير تحط النار الحارقة ف گفاك
كيف المعمول يالگليب ياك ماناسي
وانت مني و منك نابع احساسي
بالي عليك ما رتاح وتلعب برضاك
مانويتك تعاديني ودغية فيا تسمح
وبالغير انت تتباهى وليه تفرح
عدبتي ماهنيتي مانضرتيني مصارع باسي
عيتيني ايا لگليب ومزال تجرح
ماتستاهل كيات وانت سبابي فالمآسي
وخايفك تيه فعالم مصيرو ضلام
خليتك ياگلبي تقرا وتوريك ليام
ومن بالك امحي عيشت لحلام
يكيفيني بركة خليني انت وهواك
ايا لگليب
محمد كمال قطير
ليست هناك تعليقات:
إرسال تعليق