(((. خبي الوجع )))
خبي الوجع جواك
وامسح دموع قلبك
خبي الوجع جواك
و أسمع كلام عقلك
واضحك ف وش الناس
و أكتم كمان حزنك
واصبر علي المكتوب
و أغسل قوي ذنبك
وارضي بقي بقسمتك
وأرضي بقضاء ربك
حتي و لو مغلوب
بكره يزول همك
وعيش كده بضمير
و سلم للإله أمرك
و أياك تمد ايديك
الإ للي م التراب خلقك
هو اللي ليه تصريف
و قادر علي رزقك
خبي الوجع جواك
و أتركها علي ربك
وأمشي في طريق الخير
تحصد رضا مولاك
ولا تمشي يوم لسواه
تلقي الجميع ضدك
خليك معاه ف الضني
مهما الجميع صدك
يوفقك في الخير
ويكون عطاه سعدك
وف كل خطوه معاك
يعطيك مني قلبك
يا واصل الود خلي
الود من طبعك
وإن كنت ناوي ع المعروف
روح أصنعه ف أهلك
واياك تمشى ف طريق
الغلط وأمشي ع مهلك
وصاحب أصيل ينصحك
ولا تصاحب خسيس تهلك
وامشي ف طريقك عدل
يحتار عدوك فيك
كلمات الاديب الشاعر.د. السيد علي القن
ليست هناك تعليقات:
إرسال تعليق