بعنوان: صارح نفسك.
بقلم:حميد النكادي..
ياك غير أنت
اش فيها إلَا
كَلَّمْتِ نفسك
ؤُ عاوَدْتِ لحساب...
لْجَمْتِ لسانك
ؤُ تْصَنَّتِ لصدرك
غسلتيه من لدران
ترتاح من لعذاب...
علاش الأنانية
وحب الذات
ؤ ديما حاسب راسك
ذهب ماشي تراب...
ياك غير أنت
جلس مع راسك
قْلَبْ الصفحات
ؤُ راجع لكتاب...
تصالح مع نفسك
مسح عينيك
حيد لغشاوة
لوح الحجاب ...
خرج من الظلام
عانق النور
واش وهج النور
هو حلكة الضباب ؟..
فرنسا 07/01/2024
ليست هناك تعليقات:
إرسال تعليق