اغنية هابيعك واشترى نفسى
أدهم عبده مجلى
أدهم العوضى
★★★★★
جريتى وراااااااه وسيبتينى
رضيتى بدمعى ليه فى عينى
عشقتى هواااااااه ما تنسينى
و سيبى دموعى تداوينى
و مش هأقبل بتانى رجوع
بلاش تحكى فى ده الموضوع
ما تهتميش ده انا الموجوع
ومش عايزك خلاص تانى
و هابعد لو حياه او موت
ومش هاصرخ بعلو الصوت
و هنبدل كلام بسكوت
كأن الماضى ده ثوانى
هاسيبك واشترى نفسى
ولو شوفتينى ما تبصى
هأخلى مركبى ترسى
على اللى شارى مش بايع
و أروحله ولو اغيب عنه
يجينى و ارتوى منه
وعارفه حبيبى اكمنه
حافظ على قلبى مش ضايع
ومش هأقبل بتانى رجوع
بلاش تحكى فى ده الموضوع
ما تهتميش ده انا الموجوع
ومش عايزك خلاص تانى
يا ماشيه وفايته حب زمان
وفاكره دموعى هتسامحك
خلاص مش فاكر اللى كان
ولا شكلك ولا ملامحك
ومش عايز كلام وخلاص
و نتكلم على الإخلاص
يا حد معندهوش إحساس
بلاش أحكى سيبينى ساكت
وهأعمل ايه مأنا نسيتك
و واللهِ ما حبيتك
سألت الناس قالوا يا ريتك
ما نعرف عايشه او ماتت
ومش هأقبل بتانى رجوع
بلاش تحكى فى ده الموضوع
ما تهتميش ده انا الموجوع
ومش عايزك خلاص تانى
وهأبعد لو حياه او موت
ومش هأصرخ بعلو الصوت
و هنبدل كلام بسكوت
كأن الماضى ده ثوانى
★★★★★
أدهم عبده مجلى
أدهم العوضى
ليست هناك تعليقات:
إرسال تعليق