نوستالجيا
شفتكم ماسولتو قلت نجي
رحلت بلا صاك وبلا فاليز
سمحت في فرنسا وباريز
ما همني لأورو ولا الدوفيز
شحال توحشتكم يا با العزيز
وانت يا امي اغلى الناس
خليت ورايا كلام الناس
اللي تكلمو عليا وبلا قياس
هما غالطين من الاول والاساس
كون الخوخ يداوي يداوي راسو
حتى حد فيهم ما عرف خلاصو
بلا بلا بلا بلا باراكا ما يقرصو
نساو علينا حوارهم يا احبابي
ملي يسولوني عندي جوابي
كنت ناخد ليهم الهم وغاب شبابي
هكذا تربيت والصلاة على النبي
وهما اللي كأنو سباب عذابي
وملئ وصلت لوطني وبلادي
ما كان حد ف استقبالي وعادي
والله ما تقلقت نعم يا خوتي وَيَا سيادي
هاذي ارضي وأرض اجدادي
كلشي فرحان عكس مللي غادي
راني قربت لهدفي ومرادي
كلشي يهون ملي نشوفكم ونلقاكم
انا عانيت بزاف من كثرت هواكم
اشحال نبسط ونرتاح مللي نكون حداكم
والديا واحبابي نبغيكم من الاعماق
المملكة المغربية 021018
الدكتورة فاطمة الزهراء الرئيس
ليست هناك تعليقات:
إرسال تعليق