فبالي أمتية عندي فالراس
وعندي أحلام كثيرة
نتغنى وندير لاباس
ونبدل الصباط نلبس كويرة
ونمحي سمية بوراس
وندير سمية زينة وصغيرة
وطوموبيل روس رايس
ونركب ونجيب شي دويرة
نديماري ونبدل الفيتاس
ونحوص من طنجة لݣويرة
نخرج ونجول بحال الناس
ونرمي لمخدة هي ولحصيرة
ونحرق هموم هي بلا قياس
وفالبحر نخيم نتبحر تبحيرة
ونمشي الوجدة هي ومكناس
وننشي نشوف ديك الصويرة
وتطلع المراكش والقلعة وفاس
وفالرباط نجيب شي دويرة
فطوري كعب غزال وفقاص
وبسطيلة وزلافة حريرة
وفبو رقراق أتاي مشحر قياس
وغياب الحد لغذا بدجاجة كبيرة
وتسخر غمازا سهرة بلا نعاس
غير أنا ولحبيبة هديك لعشيرة
عبد اللطئف ميصر 5 7 2023المغرب
ليست هناك تعليقات:
إرسال تعليق