بقلمي ابراهيم اللغافي
4-2-2024
فاين غبت...؟او لاش تعطلتي؟
ما فكرت توضاح...
ما فكرت تطلع
وغير بان ياهاذ اصباح!
لوح بشعاك في ازريبة
فيق لالة لغريبة
ب الما لحديد يرشى
او بيه تمرار الشيبة
ب الما تملاس الحرشة
اوبيه تطفى السيبة
النفاق او الريبة
لبسالة في ادريبة
لوح بشعاك في ازريبة
فيق لالة لغريبة
الضحك لصفر مزور
أبكى التمساح مطور
خرفات الجوطية...اوانت الالة مغوية
هجرات النية...
اجي دغية او زرب
بغيتي تبقى بقى...بغيتي تهرب أهرب
المهم شوف الحلقة...نبتات ف كل زنقة
او الضمير تخرب...
شلا دموع هطلات حامية
شلا اوراق تخلطات ساوية
اكثر تخريب الذات...ب نواع المخدرات
اجي ياهاذ اصباح...لوح بشعاك في ادريبة
فيق لالة لغريبة...ناسها شبعوا نعاس
خمروا ب كلام لوسواس
اجي طل شوف او سير
جاتهم لوقت اصعيبة
اولا من عارف ما يدير
لا تبقى هاجر...معاك اناهاضر
غير طلع اوبان...لوح بشعاك ف ادريبة
فيق لالة لغريبة
ليست هناك تعليقات:
إرسال تعليق