كاميرا
مللي حطيت الكاميرا في الدار
بغيت لكل شي نجيب خبار
نكشف كل الخبايا والأسرار
نعرف كل ما جرى وصار
نرد لكرامتي الاعتبار
وأنتما تحكمو يا أبرار
باش لأحد يبق وغافل
في كثرة الأسئلة حاصل
والمرأة تعرف اسرار الراجل
وضعت الكاميرا بإتقان
اختارت ليها أحسن مكان
كل حركة بوضوح تبان
نشوف انسية ولا جنية
هاذي اللي طيرات
النعاس من عينية
هي باش أحسن مني
نعرف ويزول همي
نرتاح ويبرأ ألمي
بديت نستنى الليل كلو
انا ما شفت والو
بديت نكذب ما قالو
هو باقي ساد عينيه
تحل الباب بشويا عليهً
دخلت لا حس ولا رنين
لالة مولات الحور العين
لونهم صافيين وزرقين
قطعت لي الشك باليقين
باراكا ما نزيد في التدقيق
وهنا سالا التحقيق
بديت نغني وبلا تصفيق
قطتي صغيرة
واسمها نميرة
تعمل في مهارة
كي تصيد فأرة
لعبها يسلي
وهي لي كظلي
اصدقايي الاعزاء بدا يودن الفجر الليلة الجاية نكمل ما جرا٠٠٠ عييت غادي ننعس تصبحو على خير أيها الليليون صباح الخير أيها النهاريون٠٠ كلكم احبابي يا غالييييين
المملكة المغربية ٠٢٠٢١٩
الدكتورة الرئيس فاطمة الزهراء
ليست هناك تعليقات:
إرسال تعليق