جيتك يابحر
جيتك يابحر تواسينى
أيوة يابحر على اى بر حترسينى
جيتك يابحر وانا المظلوم
اشكي ليك يابحر وكلى هموم
نفسي افرح فى يوم
نفسي الحزن يجافينى
على شطك يابحر أنا جيت
وافتكرت هنا حبيت
ورجعتلك بعد ما قسيت
وحدانى هنا احتوينى
جيتك يابحر وانا الموجوع
غرقان فى بحر من الدموع
مش لاقى مرسي ولالاقى رجوع
تايه يابحر فين حتودينى
جيتك يابحر من غير مجاديف
غرقان يابحر والنوم تخاطيف
عدى ربيع العمر نفسي الحق الخريف
نفسي افرح بأيامى و سنينى
يابحر على شطك مجاريح
الموج عليهم عالى وشديد الريح
نسيهم أحزانهم اهديهم التفاريح
داوى جراحم ومعاهم داوينى
يابحر مشتاق للحنية
والعوم على وش المية
استمتع بموجك والملاغية
فرحنى أنا ومن الاحزان نسينى
ليست هناك تعليقات:
إرسال تعليق