يلي ركعتي اليوم لربك بالأمام
و صليتِ له بعد الأبانا بالسلام
قال الراوي و أطرب كبار الأنام
المُحب يفرح حين محبوبه ينام
مش مهترة ما فيها قلة احترام
نوم المحب فيه هدوء و انسجام
و مثل نوم عيونك حياتي بالتمام
يعطي لقلبي عاطفة فيها احترام
رح ادخل الموضوع يا أحلى غرام
من بعد إذنك الهوى ما فيه حرام
عشقتك أنا و للهوى عندك مقام
لما عرفتي ضربت أطناب الملام
قلتي كيف و ليش مرضك مستدام
يلزم لك علاج و بعض من الإحكام
مش خافية أمورك عليِّ بالظلام
و لا بدي فيها مبصِّر و لا فك جام
كل الدواهي عملتها و يمكن ألام
لكن أنا ما بوازي مثلك بالمقام
تحليتي حتى بان حلاكي بالسلام
أطربتي كل الناس بأجمل الأنغام
لما وقع عصفورك بقفص الحمام
تركتيه يضرب جناحه بفخ اتهام
من بعدها لمتيه عا سوء الدوام
تعسَّرت أحواله و قالوا يا حرام
قطعتي حبال الوصل حتى بالأحلام
صار الوهن يسكن بأضعف الأجسام
قتلتي نبوغه يا بنت نجم السلام
تنكرتي لأصلك بسوء من الكلام
ما اجبرتك تقولي حبيبي لا تنام
ما طلبت منك موعد بأحلك ظلام
طلبت بس الناس تسمع الأنغام
يقولوا هيك الحب يا أهل الغرام
بقلمي المختار د. الياس العسافين
ليست هناك تعليقات:
إرسال تعليق