بقلم ( أيمن نصر )
*****************
صديق الشط والمية
صديق الصبر والغية
عملت البحر معدية
نسجت الغزل بإدية
رميت الغزل ف المية
حصدت الخير بعنية
ساعات كيلو و ساعات مية
حكيت للبحر حكاويه
بادلني البحر حنية
سقيت البحر بعنية
دموع ظلم وحنية
حصاد بعد و سوء نية
هداها ناس كتير ليه
فتحلي البحر أمواجة
وخدني حبيب من أحبابة
ولا عمره قفل بابه
أصيل البحر مع أصحابه
أروحله تقيل بأحزاني
يخفف هو أحمالي
يشد الحزن من جدره
ويزرع فيا بذور حبه
يحط دموعي في عبه
يزيد الدمع في ملحه
ويستحمل مرار طعمه
تعلي دموعي في أمواجة
يهدي الموج لأحبابه
يخدني حبيب من أحبابه
و يعزمني على وده
بكون ضعيف قصاد كرمه
واعود متوضي من حرمه
أطوف وألف هناك جنبه
ولا أعرفش اكون هاجره
بقيت سمكة في بحاره
عشقت حشاه وأنهاره
حكالي كل أسراره
بقيت صياد وشيخ حارة
و يعود يكرمني بشطارة
وأنا لا خبرة ولا مهارة
ده أنا في الأصل سنارة
بيكرمني صديق العمر
يشبك فيه ساعات بوري
وساعات يشبكني في شبارة
ساعات ينقذني من موتة
ساعات يهاديني بكذا لوتة
وأسيبه وانا أكيد مرضي
واعودله وانا متوضي
واعود أحج في محرابه
واحب كل أصحابه
بحس انا كل زواره
وانا بيته ودواره
وانا سره وأسراره
ولما التوهه تبعدني
آلاقيه تاني بينهدلي
يخدني تاني في احضانه
ينسيني مرار العمر
يعلمني دروس الصبر
صديق العمر اسمه البحر.
بقلم ( أيمن نصر )
دمتم في رعاية الله.
ليست هناك تعليقات:
إرسال تعليق