عجبتني وحدة من طنجة
شحال غزالة شحال جميلة
زينة الظحكة و الفلجة
خدات عقلي ديك العايلة
من بعيد ارسلت غمزة
وظحكت عينها لكحيلة
وركزت قلبي بركزة
وشعلت ناري بفتيلة
شافني أباها بوعزة
جاب امكحلة كارابيلا
قالي سير من الطنزة
ولا نقتلك شر قتيلة
قلت ليه ياسي بوعزة
راني ضيف القبيلة
نجيب ثور وعشرين معزة
تعجبتي هديك العايلة
راني ناوي المعقول
ومديرة حلال بلا حيلة
والعشرة معاها الطول
وماشي يوم وليلة
راني ولد الأصول
سول ناس القبيلة
بنتك يهواها قلبي
هي عقلي هي الخليلة
عبد اللطيف ميصر 5 7 2023 المغرب
ليست هناك تعليقات:
إرسال تعليق