🌹🌹🌹🌹🌹🌹
عيني إجت بعيونها ، قلبي رَجَف
حملت بيميني السيف ؛ باليُسرى الحَجَف( التُرس)
ندهت الاله القادر القاضي العلي
غيرك بهيك أمور صعبة ما إلي
وصرخت ، يا بو الحسن يا حيدر علي
رد الصوت ، لا تخاف ، من أرض النَجَف.
🌹🌹🌹
راقت الاعصاب ، والنفس دغدغها عَجَف (عجف نفسه: صَبَّرها)
وبيني وبين عيونها ، أسدلنا سَجَف(ستارة)
وصار همي الأساسي ، حافظ على حالي
وشيل اللي صار وجرى وإمحيه من بالي
من الصعب إقدر معاها عالج الحالي/ة
عاج أصلي ، منحوتي ، نحت ، عملت لقلبي المبتلي ، نوبة وََجََف.(وَجَفَ:اضطرب وهاج)
🌹🌹🌹
لحظ العين ، للحََجَف ، عََرَّاه ونَجَف ( براه)
والريق نَشَّف ، أصبح من القطنة أجَفّ
متل لبوة ضارية وقفت قبالي
ومتوثبة عليي ، جاهزة وصالي
لساني انربط من همهمات الليالي
وسيفي ارتخى في قبضتي ،
والقلب ، عاود رفرفاتو وارتجف.
🌹🌹🌹🌹🌹🌹
كلمات: الحاج خليل محمد غريب.
ليست هناك تعليقات:
إرسال تعليق