أنت عارف بيحصل ايه
النجوم نورها يلالى
والقمر تضحك عنيه
لما تضحك أو تبتسم
العدو يبقى حبيب
والمريض فى لحظة يشفى
مايروحش تانى للطبيب
لما تضحك أو تبتسم
فى وش قريب أو غريب
الثواب اللى بتاخده
العمر كله ماتقدر تجيب
لما تضحك أو تبتسم
يبقى في الخير النصيب
واللى جايلك الدمع في عينه
البسمة تنورله الطريق
لما تضحك أو تبتسم
العدو يبقى صديق
تبقى دايما فى سعادة
عمرك ماتحس بضيق
تبقى دايما وسط لمه
تبقى واحد من فريق
لما تضحك أو تبتسم
تبقى سيد فى الديار
تبقى ورده وسط شوك
يبقى قلبك كله عمار
لما تضحك أو تبتسم
كل اللى حوليك يحبوك
واللى شافوا ابتسامتك
عمرهم مايوم ينسوك
واللى كانو ليك عدو
فى قلبهم يرسموك
أنا باضحك وابتسم
علشان كده للكل صديق
وعمره ما يوم حد عادانى
وربى منورلى الطريق
وحبايبى كتير وياما
وليه مية ألف صديق
أنا باضحك وابتسم
وعمره وشى ما كان مكشر
واى شىء ليه يزعل
بضحكتى ليه بكسر
والنار فى ايدى تبقى ثلج
كلامى جد مش بهزر
أنا باضحك وابتسم
ولاحد يقدر لى يزعل
والنكد لو جاه عندى
يشوف بسمتى عنى يميل
والهموم ما ليهاس مكان
والسعادة عندى بالكيل تكيل
أنا باضحك وابتسم
فى النكد أنا ماليش
وان كنت انت وش نكد
انصحك ليه ماتجيش
أنا صبرى مشهور بالوسامه
واخلاقى عيب فيها ماتلاقيش
أنا الجمل اشيل حموله
وظهرى عمره ماينحنيش
أنا الكلام الحلو أقوله
وبين حبايبى أحب أعيش
أنا باضحك وابتسم
وياريت الكل زيى يعيش
اللهم اسعدنا واسعد أولادنا وبناتنا وتلاميذنا وتلميذاتنا
وابعد عنا وعنكم الهم والنكد والمرض وأهل السوء
اللهم تقبل منى الدعاء
اخوكم / صبرى عبد الواحد الحساني معلم بمدرسة الإصلاح الزراعي بنجع حمادى
ليست هناك تعليقات:
إرسال تعليق