الخط المايل م الحاضر
بيشد مشاهد م الذكرى
ندمان إنك عشت إمبارح
لمجرد خوفك من بكره
الكدر الظاهر في الصورة
مش زى ملامحك قدامي
وكإنك مت ٢٠٠ مره
وبشوفك بس ف أحلامي
أنا عارف إنك وحداني
والدنيا بتاكل فيك بشويش
العمق ساعات بيكون جارح
أصعب من مال أو لقمة عيش
والحب ده زيف مصحوب بغباء
م أنا قولت كمان الحب حياه
في الإنفصام أنا حلمي تاه
فبقيت بشوف الشئ وعكسه
سبحه و سجاده و ركعتين لله
اللي إتعلمته من الدنيا
لو عاوز شئ عكسه يجيلك
والموت ده بيحصل و ف ثانية
ف كفايه مبالغة ف تبريرك
هتعدي طريقك لو سالك
و إزاى تتعشم ف المخاليق
مع إنك مؤمن بالخالق
علاقاتك دايما طرديه
لو سبت الخيط للبني أدمين
ف إنسى إنك تسكن يوم فيا
أنا عمري ما هقبل يوم بالذل
ف أخترت الوحده صديق ليا
أطهر من زيف أحاسيس الكل
كل اللي إبتدى بحنين وغرام
إنتهى بسكوت
ف أنا هفضل سارح في الملكوت
وبكل صراحه أنا مش هرتاح
غير لما تموت
#حسين_الشربيني
ليست هناك تعليقات:
إرسال تعليق