بقلمي جمال القاضي.
(بدون فصحى )
مملكة القلوب ( الحلقة الأولى بالمملكة ماذا يحدث بداخلها )
بنسأل نفسنا سؤال ، ليه لما نفتح قلوبنا لحد معين بعدها بيتحكم فينا آو ممكن يسيبنا ويمشي ؟
تعالى نعيش مع بعض لحظات ونفهم ايه ال بيحصل بالضبط ،
فاكر أول مره قابلت فيها شخص معين ، فاكر لما لاقيت قلبك فجآة كده دق ، فاكر دي كان العلاقة الكام في حياتك ، الآولى مثلا ، ممكن أه فعلا أول مرة ، طيب أيه حصل فيها ،
في البداية كلنا بنكون معندناش خبره في ازاي نتعامل مع الجنس الآخر ولا في العلاقات العاطفية ولا في أي نوع من الرومانسية ، بنفرح لإننا ولأول مرة بنلاقي حد يهتم بينا ، بنفتح قلوبنا له مع أول دقة قلب ،
مع أول دقة قلب كمان ال بيحصل فيها انك بدأت تفتح باب مملكتك الخاصه لغيرك وهي القلب ، بدأت تسمح للشخص الغريب عنها بالدخول ، لكن فيه ناس بتسمح للشخص ال دخل بممارسة حياته الطبيعية أو عايز يمارسها بشكل عادي جوه مملكتك ، ( ازاي ده ؟ ) ده هنتكلم عنه بعدين ، وفيه واحد تاني حدوده ال بتسمح له فيها بالحركه هو انك تفتح له الصالون علشان يدخل وكمان تقفل الباب مابينه وبين باقي المنزل ، فمابيشوفش اي حاجه غير ال حضرتك سمحت له انه يشوفها ، يعني دخول متحكم في حركته وحدودها مقررة ومحكومة ، الشخص ده مش هيسمح لنفسه بأسئلة كتير ولأكتر من المحددة ،يعنى مش هيسألك عن أهل بيتك فين وبيعملوا أيه ولا ليه ، لأنك حددت إقامته مسبقا
وبالتالي كل ال هينتظره منك هو تقديم واجب الضيافة وحتى الوقت كمان هيكون ممل بالنسبه له في البقاء وبعدها هيتحجج بأي حجه ويستأذن منك ويمشي أو أحيانا يقولك انا حاسس اني مخنوق ويطلع كده فجأة .
طيب ممكن توضح يعني ايه وعلاقته بالمشاعر ، ماشي هقولك ، ده الشخص ال كان داخل قلبك على طمع وعلى أساس انه هيكون المسيطر الأول على مشاعرك وبدوم مايقدم لك مشاعر في المقابل ، يعني فاكر حضرتك من النوع الساذج ، فاكر ان حضرتك سهل المنال وممكن يلعب بمشاعرك بسهوله ، فاكر انك ممكن تفتح باب مملكتك على مصرعيها وتقعد كده تضحك انت فيها وهو وتقول وتعترف له بكل أسرارك ، ده كان جاي علشان يسيطر على كل حاجه فيك من أول القلب انتهاء بالجسم ، لكن كانت الصدمة انه لقى شخص تاني غير ماكان يتصوره عنك ، كان فاكر انك هتكون في أسير شباك هواه ولانك فاقد الخبره تبعا للتصور ال عنده ، لكن كانت المفاجأة غير توقعاته فاتصدم لما بدأت تحكي عن نفسك ال عايز تحكيه انت بس مش ال عايز يعرفه هو عنك ،
وكانت النتيجه بعد الانطباع الغير مرغوب فيه عنك والمخالف لتوقعاته ، انه تركك ومشي بسرعه مع أول فرصه وقرر الهروب من مملكتك ، وبالنسبه لك كانت أول تجربة اكتسبتها بنجاح وفي نتيجتها كانت اعترافاتك عن نفسك ومملكتك في الحدود ال سمحت بيها بس لغيرك يقيم فيها لبعض من الوقت واتعلمت منها انك تقدر تتحكم كويس في ازاي تضبط وتيرة مشاعرك
ومع حدود آخرى من مملكة القلب نرى من يجلس
فيها ،،،، مع الحلقة الثانية انتظرونا
ليست هناك تعليقات:
إرسال تعليق