"""""""""""""""""
الليلة رؤية وهلال
وبكره حنصوم رمضان
والأطفال ماسكة الفوانيس
زينة ونور فى كل مكان
غنى وفقير الكل سعيد
اهلا اهلا يارمضان
شهر محبة وبعدك عيد
بتهل علينا بإحسان
جيت لنا بالخير والبهجة
وقلوبنا فيها اطمئنان
نستناك م العام للعام
ونعيش ايامك فى امان
والليلة رؤية وبكره صيام
ونجدد بالعهد إيمان
اهلا اهلا اهلا اهلا
اهلا اهلا يارمضان
نسمع مدفع مغرب يدن
وافطر يومك وانا فرحان
وادعى يارب لصومى تقبل
ورزقك وافى يارحمن
يومك صايم ليلك قائم
عمران قلبى بالقرآن
ياالهى ماأجمل ايامك
إهدى قلوبنا يامنان
وليلة القدر ماتحرمناش
انت العاطى والحنان
رمضان اهلا مرحبا رمضان
نور تجلى من هدى الرحمن
بك المآذن والبيوت تزينت
بنور طه المصطفى العدنان
والليلة رؤية وهلال
وبكره نصومك يارمضان
""""""""""""""""""""""
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق