؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعض البشر من قل ذوقه تستحي إنك تذكره
إذا ذكرته تمل لسانك من وصف قبحه والفعال
والبعض ميت ضميره عقيم في نقاشه وفكره
صلاحيته مثل السيجاره دقائق وترميه بين النعال
وبعضهم الجد عنده مهزلة من كثر هزله تكرهه
في ساعة الصدق والشدة تلقاه ما يسوى ريال
والبعض يا حيد أخوك انثوي تعرفه من منظره
كله دهانات و مكيجة و ملابسه تخزي الرجال
والبعض تلقاه بالصف الأول صل جنبه واحذره
الحق عنده يزعل والنفاق أبرز صفاته والخصال
و البعض يشل حقك ويرحل وإذا طلبته ينكره
عايش على النهب والسُحت يكره الدخل الحلال
و بعضهم خراب مواقف يمسي و يصبح بنثره
لا للتصالح والحوار تخزينته همه وقوت العيال
والبعض طبعه غلب تطبعه عايش على الثرثرة
تلقاه من دار لا دار مهمته نقل الكلام الثقال
وبعضهم معتوه إذا قدمت له نصيحة تخسره
و كلمة الحق عنده ثقيله أشد من رمي النبال
والبعض شايف لحاله ومشيته تبختر وفشخره
لمن تشوفه تهابه و هو من الناس الذلال
و كل جيد ينفخ بشمه مثل البخور بالمبخرة
الصدق و الإخلاص طبعه رزانته مثل الجبال
دروب المرجلة مواقف وأفعال ومواثيق محرره
مواقف تثبت الفرسان و مواقف تبين الثعال
و من تربى بيتهم على قلة الأدب و الخنزه
محال يتعدل أسلوبه أو يرتقى بأخلاقه محال
و ختمها صلوا على من قال العفو عند المقدرة
محمداً خير الخلائق كامل الوصف والخصال
بقلمي د. محمد أحمد غالب أحمد_ الجمهورية اليمنية
ليست هناك تعليقات:
إرسال تعليق