قلم السيد بدر
سمعتونا من الحكاوى
اللى خلى قلوبنا تبكى
تبكى قبل العين
..
اتوجعنا من الصور وبنتوجع
ماهو كل يوم مابين الثانيه والثانيه
العجب كل العجب على الملأ
قدام عيون كل البشر
..
لو فى نيه
والضمير لساه ضمير
لو نخوتنا فينا لسه
لو عالعرض لسانا عليه بنغير
وبدال مانبقى الصف
نتحد ونبقى صفوف
...
لو بجد بيوجعوكم
لو حاسين بيهم حقيقي
ماكنش مات بالغدر طفل
ماكنش جوه البطن هيموت الجنين
ولا أى طفل يتولد
يستنى دوره عشان يموت
ولا بنت يادوبها كبرت
قبل ماتنطق تموت
ولا كان يسيل الدم
ماكنش هد ماكنش دك
ماكنش كل أخضر يموت
...
مع إنكم تقدروا
مع إنكم قادرين
كله هس كله ممنوع م الكلام
على كله فارضين السكوت
فهمونا هو إيه آخر السكات
...
بالله عليكم يرضي مين
فى شرع مين
فى أى مله
فسرولنا فى أى دين
..
ماتنصروش الباطل
وماتسجنوش الحق
الحال دوامه من المحال
قالها عادل قالها صادق
قالها حق
لاقول ولاوعد العباد
ده قول ووعد رب العباد
بعزتي وجلالي
النصر وعدك لو بعد حين
ليست هناك تعليقات:
إرسال تعليق