قلم /السيد بدر
عجيبه الدنيا ظلماني
عز الحوجه فيتاني
حوجه أحتاج ماتديني
لعندي عنيده نسياني
بدمع العين ومش شايفه
لغيري تروح ولا تجيني
دى الدنيا وعمايلها
محاله في يوم ترسيني
عجيبه عليكى عجيبه يادنيا
.............
يادوب ها فرح تصحيني
رفضه الفرحه لعيوني
لمين اروح
لمين الأهه اشكيها
فى حضني اهاتي
جراح ياما وبداريها
ماحدش فاضي يسمعني
تزيد قسوتها اداديها
خلاص مش فارقه توجعني
كتير أوجاع مداريها
لمين مافيش ولمين الدنيا نشكيها
عجيبه عليكى عجيبه يادنيا
..............
موجوع بتيجي عليه
بقسوه وتاخدى منه
على كتفه مشيلاه
كام حمل فوق حمله
وللى تحت بترفعيه
وللى فوق بتنزليه
وللى فيكي بيشكى همه
فوق همومه تزوديه
عجيبه عليكى عجيبه يادنيا
ليست هناك تعليقات:
إرسال تعليق