كل دا كان
كان قلبــي يميل ويـاك يا جميل
من نظـــره تـــدوب وتدوبنــــي
وساعات فـ الليل اكتب مواويل
لمــا اشتـــــاق لك وتعذبنـــــــي
------------★------------
يا شغلني عليك وحشتني عنيك
لو غيبت فـــي يوم إســأل عني
كل اما أناديك دايمـــاً بلاقيـــك
ســـاكت ليـــــه مالك طمنــــــي
------------★------------
مديت لك إيـــدي تحضـن إيدك
واتغــــــزل فـي هواك الصافــي
مقــدرش استغنــــي ولا أسيبك
طول ما بيجمعنــا حنين دافــي
------------★------------
ليه بُعـــدك طال ولا تسألشــــي
ولا بتفكر فـــي عذاب قلبــــــي
مكفايه النــــوم مخاصم رمشي
وحيــــاه ملهاش طعم يا حبــي
------------★------------
أنا إيـــــــه بالنسبـــــــالك قلــي
تايـــــه فـــي هــــواك مترسيني
حبيتــك وانت اللـــــي تملــــــي
ليــــه تبعـــد وتغيب عن عينــي
------------★------------
بتقـــول مشتـــاق وقالبـها فراق
وتعيِّـــش قلبـــــي في أوهـامك
وعمــــلت حبيب ومن العشــاق
وطلعت بتكــــدب فــــي كلامك
------------★------------
خليتنــــي فـي وقت ما حبيتك
أحلــــم واتمنــــى أكــون جنبك
ليه خـــاب فيـــك ظني ولقيتك
مش هــــو اللــي بقولـــه بحبك
------------★------------
أهو مــات إحســـاسك من تانـي
وإختـــــارت حيـــاتك بما فيــها
مرتــــاح قلـــي إبعــد وانساني
وانســى اللي ما بنــــا ورسيـــها
------------★------------
من ديوان حيـــــاه الروح
بقلم الشاعر محمود فوده
ليست هناك تعليقات:
إرسال تعليق