🌹🌹🌹🌹🌹🌹
تفسير كلمة نزوة:
النزوة.. هي عبارة عن إضاعة للوقت، وملء فراغ الوحدة، وهي قصيرة في الوقت وصغيرة في العواطف، ما تلبث أن تمل وتكل من الكلام مع الطرف الآخر، فلا تجد بُداً بعد ذلك إلا أن تبرر التوقف عن الكلام، بحجج واهية وأسباب تافهة، لتوقف بشاعة التواصل النَّزَوي، فتفضل بذلك السكون مع النفس والتسلية مع من حولك من الجمادات أو حتى المجهولات.
🌹🌹🌹🌹🌹🌹
حبي إلك مش نزوة
🌹🌹🌹🌹🌹🌹
سمعتك عم تنادي ، يا بلبلي الشادي
بدك ما نتباعد ، ولا نغيِّر العادي
❤❤
مني أنا ، وحق الرسالة والرسول
حُبِّك ، خشوع ، وزهد وعبادي
❤❤
بصرِّح ، عا راس السطح مش مخجول
ما بتفرقي ، بحُبِّك عن حب اولادي
❤❤
ما بشعر بحبي ، مخالف للأُصول
بالعكس ، بتفاخر ، وبعتز ، بزيادي
❤❤
الحب البريء النقي ، بيدوم ما بيزول
محلَّل مش محرَّم ، مشرَّع من الهادي
❤❤
الحب اللي قصدو التقارب ، بالوفا مشمول
ما بيُعتبر نزوة
وبالطمع متمادي
❤❤
خايف عليكي توقعي مع شخص مهبول
ما في بقلبو مروءة ولا عندو إرادي
❤❤
حُبِّك أصالة وعدالة ، مش قاتل ومقتول
كلو كرامة وشرف ، تربية أجدادي
❤❤
حبي إلك ثابت ، مش حكي معسول
ولا اغنية عالهوا وتغمات قِرادي
❤❤
حبك بقلبي عهد من قلب مسؤول
يحافظ عليه ويحرسو من رايح وغادي
❤❤
حبك يا بنت الناس ، من شخص مجهول
معروف من كل البشر ، بإيدو النجم بيطول
وعم يحلم بأيام حلوة ، مليانة سعادي.
🌹🌹🌹🌹🌹🌹
كلمات: الحاج خليل محمد غريب.
ليست هناك تعليقات:
إرسال تعليق