الاكاديمية العربية المغربية للشعر والأدب

... فين الناس إللى كانوا..

م الحر ضِل لينا.... غابوا عنا ما بانوا...

..واستقر الشر فينا....

حولوا سكة حجر الأساس...

..تركوا رقة الإحساس..وجابوا الجحود مكانه.. قطعوا الرحمه بفاس..وخونوا وخانوا.. غرقنا فى حزن بحر..

..والبر تاه عن عينينا....

منين اجيب ناس..تفهم المعنى...

..وفين الاقى كاس..ع الود يجمعنا...

ناس ما تعرف العيب.مرفوعة الراس..

..هيبتهم تشبعنا...عزتهم تشرح صدورنا..

كلمتهم سيف وحَد..جَد مالها رد..

..تمشى على رقابنا..بإشاره تجمعنا...

م النار كانوا سلام وبرد...

..والسر داخلهم.مقفل ب ٢٠٠ ترباس...

وجبت طاعتهم..وصارت سُنه وفرض علينا..

..بضرب أسداس فى أخماس..

من أفعال تسلب العقول..المبادئ فى إهمال.

..وتنداس الأصول..أعمال ما يوصفها قلم ولا قول..ولا يسعها ٢٠٠ كراس...

..ولا بها شئ معدول..والعمر مصاب برصاص..والفكر مشلول...

..وماتت أحلامنا وأمانينا......

فين الناس إللى كانوا..م الحر ضِل لينا...

..غابوا عنا ما بانوا..واستقر الشر فينا....

بقلم الأديب..عدلى جعران عبدالرحيم..

..مصر ٢٠٢٤/٤/١٥