بقلم ( أيمن نصر )
*****************
مفيش كلام عاد بيحّوق.
كل ما بكتب بزّهق.
خليك قاعد واتزّوق.
قدام مرايتك و كمان بحّلق.
واشرب في شاي او شُوب لَمون.
.....................................
وإنت قُصادها إسأل نَفْسك.
إنت في يُومك ولا أَمسَك.
يُومك دة مِسا و لِيل أَحْلَك.
ولا النَهار دَة من أَجلك.
واتدبر بَقى في خلق الكُون.
...................................
قدام مِرايتك إسأل نفسك .
إنت حقيقي ولا بلاستيك.
لو شُفت نفسك إلحق إمسك.
إمسك في رُوحك واتمسك.
قبل ما يقلبوك مجنون.
...............................
لله في خلقة كم شؤون.
الناس ماعدش ليها عيون.
كُل المَآسِي تِعدي تهون.
والكل فيها عَامل مَجنُون.
الناس وطناشهم كَتبوا كِتابهم.
من غير منجيب واحد مأذون.
....................................
يا نسل آدم إتحضر.
بطل في أَوهامك تِسكر .
قول اللي جواك عَبّر.
طَالب بحقك وكمان أُنشر.
لو هُنت هَان مَعاك الكُون.
...............................
متخافش من أَفلام الأمس .
متخافش من مُوت ولا من يأس.
إلمس حُقوقك إن شاء الله لَمْس.
زَعق واشخُط و سِيبَك م الهَمس .
وإوعاك تِخاف لَحسن تتمس.
وتعيش في المِصباح مَسجُون.
........................................
مَتقولش الدنيا بَقت غَابة .
وسكانها صاروا غِيلان و ديابة.
في صابع إسمه السبّابة.
شَاور على حَقك بِمهابة.
و غَني حِكايتك على ربابة.
الحقوق محتاجة لمطالبُون.
......................................
إكتب حقوقك ف الكراس.
اكتب بجاف ولا برصاص .
الحق مش محتاج إِرهاص.
الحق مفيش منه مَناص.
إن شاءالله تعمل فيها مجنون .
.......................................
يا أيُها الجَمع الأَهبل.
منيش كَاذب و بتجمّل.
خدوا النَصيحة من أَهبل.
قَبل الأّجل ما يَتَسلل.
ما أنا أصلاً زيكم مَجنُون .
...................................
لا تسِيبوا أَحلامكم تِدبل.
ولا تسيبوا حَياتكم تَتَبدَل .
عِيشوا حَياتكم كَما أُنزل.
رَبي خَلقكم وأنتم أَجمل .
أَجمل ما في هَذا الكُون.
...............................
مَمنوع لِبشري يِستندل.
ويخَلي حَياتنا تِتقَندل.
عِيشوا حَياتكم من الأَول
وبالفطرة كُلة بِيستَدلل
وبالتسامح هنكمل
حياتنا من غير أي شجُون.
...................................
بقلم ( أيمن نصر )
دمتم في رعاية الله.
ليست هناك تعليقات:
إرسال تعليق