(قبل فوان الاوان)
الضحكة جوايا مخنوقة
والدمعة في عينى محبوسة
نفسي اصرخ بصوت عالي
عاوز اقول الاه واللي جرالي
حزين علي اللي جرالي
واقول شكوتى فى موالى
اقرب الناس ظلمونى
وهما ياناس اللى جرحونى
دول كانوا حبايبي وعيونى
ليه ياحبايبى نستونى
ليه في ضعفي هجرتونى
اوعوا ياناس تلومونى
دوقونى الحلو بالصبار
وطعم الحلو لقيته مرار
سهرت عشانكوا ليل ونهار
واتكويت وانا راضي بالنار
عشان اشوفكم من الأبرار
ولما كبرتوا رمتونى
ومن ودكم حرمتونى
مش عاوز حاجة ياعيونى
غير لما اموت تشيلونى
وجوا قبري تودونى
وياريت في قبري تزرونى
وبدعوة منكوا تدعولى
ياريت تنزلى يا دموعى
مش قادر افتح جفونى
ياحبايبي الزمن دوار
ياحبايبي الزمن غدار
ربي قالها في القرآن
الدنيا كما تدين تدان
الدنيا معدش فيها أمان
فين صلة الرحم والإيمان
انت في غفلة يا إنسان
برحمتك ارحمنا يا رحمان
ليست هناك تعليقات:
إرسال تعليق