بقلم ( أيمن نصر)
***************
يا شايله الشيله من صغرك
ولا عمرك طلبتي معين.
تضحي بوقتك وبعمرك
وتعدي ايام وشهور و سنين.
وناسيه روحك وسعادتك
وماشية تقولي عين يا معين .
ومهما يزيدوا في حملك
مفيش تقصير ولا حتى يومين .
دي أجمل حاجه في شيلتك .
دروس الصبر للملايين.
نسيتي قوام كمان سنك
وبتهدي العمر للجايين .
هزمتي اليأس بصبرك
وكتبتي ف الكفاح دواوين.
قوليلي مين كده زيك
يا ريحة الفل والياسمين؟!
حكاوي الناس كتير عنك
دي واقفه هناك جبل ومتين.
و بتشيلي فوق طاقتك
وحملك ده يشيله مين ؟!
وبتداري في منديلك
بواقي دموع العين .
وراسمه الضحكة على خدك
و أملك ده عبير ياسمين.
ده كل الحب في قلبك
يفيض ويروح لناس تانيين.
و كل الزهد في عمرك.
عشان يعيش ناس تانيين.
ده كل الشكر من حقك
يا أجمل ماشافت عين .
بقلم ( أيمن نصر )
دمتم في رعاية الله.
ليست هناك تعليقات:
إرسال تعليق