مين فينا ع الجفا قادر
مين فينا في الحُب غادر
قالت تعالى نشوف
مين للتاني كان اعجاب
وحبة كلام معسول
مع شوية انبهار
قالت تعالى هنا وقولي
مين هيجري ورا مين
ومين هيعذبة الحنين
بصيتلها انا وسكت
وفي الكلام اخرس صوتي
والدمع كسوة سكوتي
والروح اتحشرجت
حتي الصرخة مكتومة
سكت وعنية بتقول انا ماشي
ولغدرك مش ناسي
سهل اوي اكون عليكي اسي
سهل اوي اكون لغيرك
سهل اوى اعمل زيك واكون غدار
ولا التمسلك اي اعذار
لسة ليكي جواية حاجة
لسة ليكي جواية ذكري
ما انتي عارفة
زي ما انا عارف
انك هتلفي وتدورى
وكتير هتعرفي
وبردو هتغدري
وليا انا راجعة
ما انتي واثقة اني هسامح
ما انتي عارفة ان ليكي جواية حاجة
حب ملثم بالوجع✍️ياسر
ليست هناك تعليقات:
إرسال تعليق