؟؟؟؟....؟؟؟؟؟...؟؟.؟؟؟؟
---------قلم السيد بدر
ليه الدموع جوه العيون متحجرة
------ ليه الإيدين مصلوبه ليه ومتكبله
-- ليه اللسان سدين عليه
-- وليه سجين جوه الحنك
هوا إحنا برضو مش بشر
والا أسامي اتسجلت بحبر أزرق عا الورق
ولا وجودنا فى الزمن ده كان غلط
مش هاتفرق بس عاملونا بشر
.......
عمري مني بينسرق
عيني عينك بتسرق
ولسه سدين الحنك
واللسان مقفول عليه جوة الحنك
عادي وطبيعي إني اتسرق
إيه الجديد إيه العجيب
هوه النهاردة يا خلق بس أنا بتسرق
من سنين قصدي عادي
والطبيعي إني اتسرق
مين بيسرق مين سرق مش هاتفرق
بس عاملونا بشر
.........
من لياقه نتمسك
وعشان أيدينا اتأيدت
كان سهل يومها ننسحب
ونتلعن وننضرب من غير ما نعرف ليه
أو حتى إيه هوه السبب
مش مهم إحنا إيه أو حتى مين
الأهم وكان عشمنا
يوم يعاملونا بشر
.......
. كتفونا ف عز ليل البرد
درماغونا وف طين المطر
نشكي مين نقول لمين
هوه إحنا عارفين كنا مين
ضمن البشر ولا الحمير
مش هاتفرق
بس نتعامل بشر
........
. كل عين اتحجرت فيها الدموع
هيه أمي . هيه اختي وهيه أبويا
كل إيد اتأيدت
هيه عمي . هيه خالي . هيه أخويا
لا بحر دم يهزكم يا قلوب حجارة
لا عمر يرجع وعيكم دايما سكاره
من إمتى بيحس الحجر
من إمتى كان عنده نظر
مافيش حجر يقدر يميز
لا بين بشر ولا بين بقر إزاى هانتعامل بشر
.......
. حر إيه وهوه محبوس فى القفص
. حر إيه وهوه ماشي وراه حرس
هوه في حر فى قفص
أو حر ماشي وراه حرس
لو حر عمره ما ينسحب
ولا عاالقفا يوم يضرب
ولا يتربط ويدرمغوه فى طين المطر
حر إيه يا قلوب حجر
يا عيون مابطقش البشر
إحنا إللي جينا أكيد غلط
قصدي مواشي ومش بشر
ولا يوم هانتعامل بشر
.......
. هاتو الجديد من ظلمكم
ياللا فينا جرابوه
كهرابونا
اصلبونا اعملو اللي تعملوه
اسماعونا لحن غنوة لما نصرخ
ولما تسكت الآهات الضرب فى الميت حرام
وف شرعكم بتحللوه
إحنا موتنا شوفو غيرنا فراجوهم عالجديد
فكاروهم رجعولهم من جديد زمن العبيد
ولا يوم هانتعامل بشر
.........
ليست هناك تعليقات:
إرسال تعليق