قالو زمان شوف فيا
ونشوف فيك
يا طاجين الحوت
واليوم شفنا
البيض ومطيشة
بثمن الديسير والفروت
انا نقصدكم يا طاغيين
يا ناسين الحساب والموت
مساكين احنا لا لينا حق
لا في العيش الكريم
لا ماكلة نقية ولا قوت
لازمنا نعيشو في القهرة
الدل والحاجة والحكرة
مع بحالنا من الخوت
في دهاليز الفقر والغلاء
أصبحنا وليمة وزردة
للجوع للبق والبرغوت
صرخنا حنجرتنا بحات
ما بقى ليها صوت
من الصراخ والغوات
قلوبنا ولات رماد
من كثرت ما تحرقات
وبكثرة الهم تكوات
باراكا علينا من الزيادات
كلشي ولى يغلى
واعتبرتونا كوانت
انتموما صحاب الشكارة
الرابحين وحنا نخلصو كريدي
البنكات والحوانت
شربتونا الصمت في الماء
وكلتونا البنوات
وزدتوهم الجوانت
البيض كان غداء كامل
للفقير للمزلوط غلا
وعطيتونا به البوانت
زادوا في السكر
والزيت وما قلنا والو
وزادو في العدس
والقفة ثقالت
قتلونا بالهضرة
وكثرة الهجرة لبلادنا
اللي قالو رآها حلات وزيانت
رزقنا للبراني وليهم
هما ياكلو الشوا
وحنا ناكلو الشوانط
المملكة المغربية الشريفة ٢٢.٠٣١٦
الدكتورة فاطمة الزهراء الرئيس
ليست هناك تعليقات:
إرسال تعليق