(يوميات راجل غلبان)
العيد علي الأبواب
وانا قلبي في حبك داب
بشوفك بحس بعذاب
والله انا نفسي فيكى
مش عارف فين الاقيكى
بروح عند الجزار
بلاقي سعرك نار
دا انتى عليا غالية
وحشتينى مع البامية
اه يا انا ياناري
لما بيطبخك جاري
بروح لطبيب يداوى
يكتب لى ربع كلاوى
مستنى يوم العيد
يمكن واحد رشيد
يدينى لحمة عيد
الحظ معايا عنيد
نفسي لو نص كيلو
هرجع شباب وبريمو
ومعاه كيس بامية زيرو
هو انا كده شحات
بنشوفها في الروايات
يا عينى علي الرجالة
حالهم بقي استحالة
الخلع في انتظارهم
ستاتنا ايه جرالهم
ستاتنا المحترمين
ع الجوع مش صابرين
علي ايه ياجماعة ناوين
بقينا مخلوعين
وع الرصيف نايمين
عشان مش قادرين
انا هشكى ياناس لمين
هشكى لرب العالمين
ليست هناك تعليقات:
إرسال تعليق