*************
قعدت أتاجر ف الطواقي
كله عال و كان مدروس
ولاحامل هم اللي باقي
ولاشايل هم الفلوس
وفضلت عايش بكابر
وكأني معايا الدروس
والكل ساكت وصابر
لما زهقت مني الروس
ولاّ همي هواللي عافي
ولاّ بالإحباط ملبوس
ولاّ شايله فوق كتافي
ولاّ هو غاوي يدوس
ياهم سيب الفرح ليّا
ولاّ هفضل كده منحوس
ولاّ لسه دايسلك حبة
ولافيّا قبضت فلوس
عاوز تعملني مداسك
إرحم قلبي المهروس
شوفلك حد تاني مقاسك
اعتبرني طريق ميئوس
سبحانك يارب ياهادي
إهديلي قلبي المنكوس
يمكن علشان مش راضي
تاهت الطواقي وروس
#عصام_قابيل
ليست هناك تعليقات:
إرسال تعليق