(قصة قصيرة)
(البيوت أسرار)
✍🏻/أحلام سعد
منى:دخلت من باب الشقة ودموعها على خدهامن كثرة البكاء،وبتنادى بأعلى صوتها على جوزها ،أحمد أنت فين يا أحمد .
أحمد:بتعيطى ليه يا منى ؟زعلانه من إيه؟ إيه اللى حصل؟
منى:هو أنت متعرفش عملت إيه!!!!!!!!!!!
أحمد:إتكلمى معايا قوليلى إيه اللى مزعلك منى
منى:أنت عارف كويس إيه اللى مزعلنى ،إتعب نفسك شوية وفكر ،هتعرف لوحدك.
أحمد:إتكلمى أنا زهقت مش عارف .
منى: مش عايزة أتكلم دلوقت معاك (منى بتلم هدومها وماشية وهتسيب البيت ) .
أحمد:علشان خاطر الحب والعشرة الى بنا متسبيش البيت
منى: قصدك الحب اللى كان ،أنت محفظتش عليه
أحمد:أهدى شوية ،طب علشان خاطر ولادنا اللى بينا ،
إهدى كده وإحكيلى وفضفضى ، وإن شاء الله
نوصل لحل .
منى: وصلت للخيانة أنت خونتنى يا أحمد !!!!!!!!!!!!!
أحمد : لأ لأ لأ. محصلش ،أنت بتقولى إيه،طب إيه
دليلك على كده.
منى :أنا اتجوزتك علشان انت بتصلى وعارف ربنا ،
وأنت بتصلى فى الأوضة، جتلك رسالة،وبالصدفة
فتحتها ،وشوفت المفاجئة؟
أحمد:شوفتى إية ؟قوليلى يمكن فهمتى غلط؟
منى: لأ فهمت صح شوفت صورة واحدة بعتهالك فى رسالة،وقرأت المحادثة كلها ،. لأ دي محادثات.
أحمد:أنا مخونتكيش لأ دى مجرد كلام عادى ،دى صداقة
عادية
منى :صح صداقة عادية تبدأ بكلمة نتعرف شوية شوية
طمنينى عليكى،. وبعد ين. انتى زعلانة ليه أحكيلى
أحمد : تمام هو دة اللى حصل عااااااااااادى صداقة عاااااادى
منى: وبعد أحكيلى زعلانة لية !!!!!!!!! تطلب منها ممكن اشوفك صح. صح
أحمد:محصلش اللى بتقولية ده ،
منى : اانا عارفة انه محصلش ،بس هو ده اللى هيحصل
لما نفتح باب لعمل الشيطان ، ويزين لينا الحرام حلال
أحمد : بس انا والله مخونتك
منى: بداية الخيانة وأنا خوفت عليك لأنك بتصلى وعارف ربنا ،وكمان أنت عندك بنتين ،ترضى عليهم كده
أحمد :لأ لأ طبعاً مرضاش
منى : الدنيا دوارة،. وكما تدين تدان خاف ع بناتك
أحمد:عندك حق فى كل كلمة قولتيها ،حقك عليه يا منى
متزعليش منى ،وفعلاً الدنيا دوارة ،خلاص نفتح صفحة جديدة وأوعدك مش هيحصل تانى .
منى : خلاص يا أحمد نفتح صفحة جديدة علشان خاطر البيت اللى تعبنا علشان نبنيه ،ميتهدش ،وعلشان خاطر بناتنا دول كل حياتنا .
أحمد: ربنا يخليكى لينا يا ست الكل ويبارك فى بناتنا .
ليست هناك تعليقات:
إرسال تعليق